"გიგა ოთხოზორიას შემზარავი მკვლელობა და ის ფაქტი, რომ მიუხედავად საქართველოს თუ საერთაშორისო პარტნიორების უდიდესი და შეუჩერებელი ძაალისხმევისა, მისი მკვლელი დღემდე დაუსჯელია, არის ოკუპაციის რეალური სახე", - ამის შესახებ შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა განაცხადა.

"ორი წელი გავიდა გიგა ოთხოზორიას მკვლელობიდან, რამაც სრულიად საქართველო, თითოეული ჩვენგანი შეძრა.რთულია რამის თქმა, რაც ტკივილს შეუმსუბუქებს შვილმკვდარ მშობლებს, ქალბატონ ჯულიეტას და ბატონ ზურაბს, ნინოს, რომელმაც ღირსეული მეუღლე დაკარგა, ქეთის და აკაკის, ულამაზეს და უნიჭიერეს ბავშვებს, რომლებიც ობლად დარჩენისათვის გაიმეტეს.

"გიგა ოთხოზორიას შემზარავი მკვლელობა და ის ფაქტი, რომ მიუხედავად საქართველოს თუ საერთაშორისო პარტნიორების უდიდესი და შეუჩერებელი ძაალისხმევისა, მისი მკვლელი დღემდე დაუსჯელია, არის ოკუპაციის რეალური სახე; იმ სისასტიკისა და უსამართლობის, რამაც დავით ბაშარულის, არჩილ ტატუნაშვილის და მანამდე უამრავი ჩვენი რჩეული ახალგაზრდის სიცოცხლე შეიწირა.