- საჯარო ინფორმაცია
- სტრატეგიული დოკუმენტები
- ნოტიფიკაცია საქართველოს ოკუპირებულ ტერიტორიებზე გადაუდებელი ჰუმანიტარული დახმარების წარმართვისათვის
- ნოტიფიკაცია ოკუპირებულ ტერიტორიებზე მთავრობათაშორისი ორგანიზაციების საქმიანობისთვის
- ნოტიფიკაცია ოკუპირებულ ტერიტორიებზე არასამეწარმეო საქმიანობის განხორციელებისათვის
- ნოტიფიკაცია ოკუპირებულ ტერიტორიებზე შესვლის თაობაზე
- ჟენევის საერთაშორისო მოლაპარაკებები
- ინციდენტების პრევენციისა და მათზე რეაგირების მექანიზმი (IPRM)
ქეთევან ციხელაშვილი თურქეთის ელჩს შეხვდა
20 ნოემბერი 2018
შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი თურქეთის რესპუბლიკის საგანგებო და სრულუფლებან ელჩს საქართველოში ფატმა ჯერენ იაზგანს შეხვდა. შეხვედრაზე ელჩმა ამომწურავი ინფორმაცია მიიღო საქართველოს ოკუპირებულ ტერიტორიებზე არსებულ სიტუაციასთან დაკავშირებით. ისაუბრეს ოკუპირებულ ტერიტორიებზე და გამყოფი ხაზების გასწვრივ მდებარე სოფლებში მცხოვრები მოსახლეობის პრობლებზე, გამოწვევებსა და სირთულეებზე.
სახელმწიფო მინისტრმა სტუმარს საქართველოს შერიგებისა და ჩართულობის პოლიტიკაც გააცნო. დეტალურად მიმოიხილა მთავრობის ახალი სამშვიდობო ინიციატივა "ნაბიჯი უკეთესი მომავლისკენ", რომელიც გამყოფი ხაზების გასწვრივ ვაჭრობის წახალისებას, ოკუპირებულ ტერიტორიებზე მცხოვრები ადამიანებისათვის განათლების შესაძლებლობასა და სხვადასხვა სერვისზე წვდომის გამარტივებას გულისხმობს.
ელჩმა კიდევ ერთხელ დაადასტურა თურქეთის რესპუბლიკის მხარდაჭერა საქართველოს ტერიტორიული მთლიანობისა და სამშვიდობო პოლიტიკის მიმართ. მხარეები ურთიერთობის კიდევ უფრო გაღრმავებასა და გააქტიურებაზე შეთანხმდნენ.
