კონკურსი გორის, კასპის, ხაშურის და ქარელის მუნიციპალიტეტებში გამყოფ ხაზთან მცხოვრები კონფლიქტის შედეგად დაზარალებული ქალებისთვის  - „მეწარმეობის პრაქტიკული კურსი - როგორ დავიწყოთ ბიზნესი“

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ფინანსთა სამინისტროს აკადემიასთან თანამშრომლობით, გორის, კასპის, ხაშურის და ქარელის მუნიციპალიტეტების მხარდაჭერით აცხადებს კონკურსს   გამყოფ ხაზთან მცხოვრები კონფლიქტის შედეგად დაზარალებული ქალებისთვის ტრენინგში  „მეწარმეობის პრაქტიკული კურსი - როგორ დავიწყოთ ბიზნესი“  მონაწილეობის მისაღებად. სასწავლო კურსის მიზანია  მეწარმეობის შესახებ თეორიული ცოდნის ამაღლება და ბიზნესის წარმოების პრაქტიკული უნარების გაძლიერება.    

ტრენინგში მონაწილეობის მიღება შეუძლიათ:

• გორის, კასპის, ხაშურის და ქარელის მუნიციპალიტეტში გამყოფ ხაზთან მცხოვრებ კონფლიქტის შედეგად დაზარალებულ  ქალებს 18 წლის ზემოთ
• ვისაც სურს ბიზნესის დაწყება
• ვისაც აქვს უნარი და მოტივაცია მართოს ბიზნესი

სასწავლო/სატრენინგო კურსი მოიცავს ინტერაქტიულ ლექციებს, პრაქტიკულ დავალებებს, მათ შორის, პრეზენტაციის მომზადებას/წარდგენას. 


ტრენინგ კურსის თემებია : 

• ახალი ბიზნეს იდეის ჩამოყალიბება
• ბაზრის ანალიზი და სფეროების მიხედვით დაყოფა
• პიროვნებები და გუნდები
• მინიმალური სიცოცხლისუნარიანი პროდუქტის დაგეგმვა
• ბიზნეს მოდელირება
• კომერციალიზაციის სტრატეგიის შემუშავება
• ფინანსური დოკუმენტებისა და დაფინანსების წყაროების დაგეგმვა
• საინვესტიციო პრეზენტაციის მომზადება

ტრენინგ კურსის ფორმატი ითვალისწინებს მონაწილეთა შეფასებას. კურსის ბოლოს გაიცემა სხვადასხვა კატეგორიის სერტიფიკატი. სერტიფიკატის ტიპი დამოკიდებულია მსმენელის დასწრებაზე, შუალედურ შეფასებებსა და საბოლოო პრეზენტაციაზე. 

კურსის ხანგრძლივობა: 27 საათი
პერიოდი: 14-29 ივლისი, 2020 წელი
ტრენინგი ჩატარდება ონლაინ რეჟიმში

ტრენინგის სამუშაო ენა არის ქართული
კურსში მსმენელების რაოდენობა: 16
კურსში მონაწილეობა არის უფასო

კონკურსში მონაწილეების შერჩევის კრიტერიუმები: 

• მსურველებმა უნდა გამოაგზავნონ CV (მოკლე რეზიუმე ) და სამოტივაციო წერილი (რა მოლოდინი აქვს მსმენელს და მოკლე მონახაზი  ბიზნეს იდეის შესახებ (ასეთის არსებობის შემთხვევაში))

გთხოვთ, სათაურის (subject)  ველში მიუთითოთ კურსის დასახელება - „როგორ დავიწყოთ ბიზნესი“. რეზიუმე და სამოტივაციო წერილი გამოგვიგზავნეთ შემდეგ მისამართზე: press@smr.gov.ge . დამატებითი შეკითხვის შემთხვევაში დაუკავშირდით საკონტაქტო პირს:  ლალი დევიძე - l.devidze@smr.gov.ge; ტელ: 577 52 77 99 

 განაცხადის მიღების ბოლო ვადა: 9 ივლისი, 2020 წელი