- საჯარო ინფორმაცია
- სტრატეგიული დოკუმენტები
- ნოტიფიკაცია საქართველოს ოკუპირებულ ტერიტორიებზე გადაუდებელი ჰუმანიტარული დახმარების წარმართვისათვის
- ნოტიფიკაცია ოკუპირებულ ტერიტორიებზე მთავრობათაშორისი ორგანიზაციების საქმიანობისთვის
- ნოტიფიკაცია ოკუპირებულ ტერიტორიებზე არასამეწარმეო საქმიანობის განხორციელებისათვის
- ნოტიფიკაცია ოკუპირებულ ტერიტორიებზე შესვლის თაობაზე
- ჟენევის საერთაშორისო მოლაპარაკებები
- ინციდენტების პრევენციისა და მათზე რეაგირების მექანიზმი (IPRM)
თეა ახვლედიანმა საქართველოში ნატო-ს სამეკავშირეო ოფისის ხელმძღვანელთან როზარია პუგლისისთან გამოსამშვიდობებელი შეხვედრა გამართა
2 დეკემბერი 2021
შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა საქართველოში ნატო-ს სამეკავშირეო ოფისის ხელმძღვანელთან როზარია პუგლისისთან გამოსამშვიდობებელი შეხვედრა გამართა.
სახელმწიფო მინისტრმა ხაზგასმით აღნიშნა საქართველოს სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობის, ასევე კონფლიქტის მშვიდობიანი მოგვარების პროცესის მიმართ ნატო-ს მტკიცე მხარდაჭერის მნიშვნელობა.
მხარეებმა იმსჯელეს საქართველოს ოკუპირებულ რეგიონებში უსაფრთხოების, ჰუმანიტარული და ადამიანის უფლებათა კუთხით შექმნილ მძიმე ვითარებაზე, ასევე შერიგებისა და ჩართულობის პოლიტიკის განხორციელების პროცესში მიღწეულ შედეგებსა და არსებულ გამოწვევებზე. როზარია პუგლისი მიესალმა საქართველოს მთავრობის მხრიდან კონფლიქტით დაზარალებულ მოსახლეობაზე ზრუნვისა და ხელოვნურად გაყოფილ საზოგადოებებს შორის ნდობის აღდგენის ხელშეწყობისკენ მიმართულ ძალისხმევას.
შეხვედრის ბოლოს, სახელმწიფო მინისტრმა სამეკავშირეო ოფისის ხელმძღვანელს მადლობა გადაუხადა საქართველოს ევრო-ატლანტიკური ინტეგრაციის მხარდაჭერისა და ნატო-საქართველოს თანამშრომლობის გაღრმავებაში შეტანილი წვლილისთვის და მის სამომავლო საქმიანობაში წარმატებები უსურვა.
