სახელმწიფო მინისტრმა სამოქალაქო თანასწორობისა და ინტეგრაციის პოლიტიკის პრიორიტეტების შესაბამისად დასახული მიზნებისა და ამოცანების განხორციელების დინამიკაზე, მიღწეული შედეგებისა და ჯერ კიდევ არსებული გამოწვევების, სახელმწიფოს მიერ დანერგილი ინტეგრაციის მხარდამჭერი მექანიზმებისა და სამომავლო გეგმების შესახებ ისაუბრა.

 

შეხვედრა ინტერაქციულ რეჟიმში წარიმართა, რომელზეც დამსწრეებმა სახელმწიფო მინისტრს განხორციელებულ საქმიანობასთან დაკავშირებით თავიანთი მოსაზრებები გააცნეს. სახელმწიფო მინისტრმა ამომწურავი პასუხი გასცა ყველა დასმულ შეკითხვას.

 

თეა ახვლედიანმა სამოქალაქო საზოგადოების წარმომადგენლებს მადლობა გადაუხადა მჭიდრო და ნაყოფიერი თანამშრომლობისთვის.

„დღეს ჩვენ სამოქალაქო თანასწორობისა და ინტეგრაციის სახელმწიფო სტრატეგიის სამოქმედო გეგმების განხორციელების ანგარიშები წარვუდგინეთ სახალხო დამცველთან არსებულ ეროვნულ უმცირესობათა საბჭოს, სამოქალაქო სექტორის წარმომადგენლებს და დარგის ექსპერტებს, რაც ჩვენს მიერ წარმართული პოლიტიკის ღია და ინკლუზიური განხორციელების, მონიტორინგის და ანგარიშგების პროცესის ნაწილია, რა დროსაც ჩვენ განუხრელად ვხელმძღვანელობთ უმაღლესი დემოკრატიული და საერთაშორისო სტანდარტებით. სამოქალაქო საზოგადოების წარმომადგენლებთან გამართული დისკუსიისას, ჩვენ აქცენტი გავაკეთეთ სტრატეგიის განხორციელების დინამიკის წარმოჩენაზე და იმ პროგრესზე, რომელმაც უკვე არსებითი შედეგები მოიტანა. ასევე, განვიხილეთ ის სამომავლო ღონისძიებები და ინიციატივები, რაც მნიშვნელოვნად შეუწყობს ხელს ჩვენი მრავალეთნიკური საზოგადოების შემდგომ ინტეგრაციასა და ჩვენი არაქართულენოვანი მოქალაქეების სრულფასოვან მონაწილეობას და ჩართულობას საზოგადოებრივი და პოლიტიკური ცხოვრების ყველა სფეროში,“- განაცხადა სახელმწიფო მინისტრმა თეა ახვლედიანმა.

 

კომისიის სხდომა გაიმართა გაეროს განვითარების პროგრამა საქართველოში (UNDP) თანამშრომლობითა და ნორვეგიის საგარეო საქმეთა სამინისტროს მხარდაჭერით.