შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი სამუშაო ვიზიტით ვატიკანში იმყოფება.
მან უკვე გამართა შეხვედრები წმინდა საყდრის სახელმწიფო მდივანთან, პიეტრო პაროლინისთან, ასევე ადამიანის ინტეგრალური განვითარების დიკასტერიის პრეფექტთან, კარდინალ პიტერ ტურკსონთან და წმინდა საყდრის საგარეო ურთიერთობათა მდივანთან, მთავარეპისკოპოს პოლ რიჩარდ გალაჰერთან.

„ძალიან მნიშვნელოვანია, რომ ვატიკანის წმინდა საყდრის პოზიცია მტკიცეა საქართველოს სუვერენიტეტის და ტერიტორიული მთლიანობის საკითხებთან მიმართებაში და იგი ერთ-ერთი მნიშვნელოვანი პარტნიორია არაღიარების პოლიტიკის კუთხით. ჩვენ შევხვდით ვატიკანის სახელმწიფო მინისტრს, რომელიც ძალიან კარგად არის ინფორმირებული საქართველოს ტერიტორიული მთლიანობის და ოკუპირებულ ტერიტორიებთან დაკავშირებით. მას და ასევე, ვატიკანში ახლადშექმნილი მიმართულების, ადამიანის ინტეგრალური განვითარების დიკასტერიის პრეფექტს მივაწოდეთ ინფორმაცია საქართველოს ოკუპირებულ ტერიტორიებზე არსებული მდგომარეობის შესახებ, ვესაუბრეთ საქართველოს სამშვიდობო პოლიტიკის ძირითად მიმართულებზე“, - განაცხადა სახელმწიფო მინისტრმა.