შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი საქართველოში იტალიის საგანგებო და სრულუფლებიან ელჩს ენრიკო ვალვოს შეხვდა.

გაცნობითი ხასიათის შეხვედრაზე ქეთევან ციხელაშვილმა ელჩს გააცნო სახელმწიფო მინისტრის აპარატის საქმიანობის ძირითადი მიმართულებები.

მინისტრმა ელჩს ინფორმაცია მიაწოდა საქართველოს ოკუპირებულ ტერიტორიებზე არსებული ვითარების შესახებ. ქეთევან ციხელაშვილმა სტუმართან ახალგორის მიმართულებით ე.წ. გამშვები პუნქტის ჩაკეტვაზე გაამახვილა ყურადღება, რაც მისი თქმით არა მხოლოდ ახალგორის არამედ მთლიანად ოკუპირებულ რეგიონში მცხოვრებ მოსახლეობას იზოლაციაში ამყოფებს.