ქეთევან ციხელაშვილმა ასევე ისაუბრა საქართველოს მთავრობის სამშვიდობო ინიციატივაზე „ნაბიჯი უკეთესი მომავლისკენ.“ მინისტრმა სტუმარს მიაწოდა ინფორმაცია ინიციატივის განხორციელების მიზნით გადადგმული და დაგეგმილი ნაბიჯების შესახებ.

ელჩმა დაადასტურა, რომ ევროკავშირიდან გასვლის მიუხედავად გაერთიანებული სამეფო მომავალშიც გააგრძელებს აქტიურ ჩართულობას კონფლიქტის მშვიდობიანი მოგვარების საქმეში. სტუმარმა კიდევ ერთხელ დაადასტურა გაერთიანებული სამაეფოს მხარდაჭერა საქართველოს სუვერენიტეტსა და ტერიტორიული მთლიანობის მიმართ. მისი თქმით გაერთიანებული სამეფო მომავალშიც განახორციელებს სხვადასხვა პროექტებს, რომლებიც ხელს შეუწყობს კონფლიქტის მშვიდობიან ტრანსფორმაციას და დაზარალებული მოსახლეობის დახმარებას.

სახელმწიფო მინისტრმა ჯასტინ მაკკენზი სმიტს მადლობა გადაუხადა თანამშრომლობისთვის და მზადყოფნა გამოთქვა ამ მხრივ ურთიერთობის კიდევ უფრო გაღრმავებისთვის.