დემოკრატიის პრინციპები და ევროპული ღირებულებები, მეორე მხრივ, ერთმნიშვნელოვნად გაზიარებულია სამოქალაქო თანასწორობისა და ინტეგრაციის სახელმწიფო პოლიტიკის ფარგლებშიც, რომელიც ჩვენ ქვეყანაში წარმოდგენილ ეთნიკურ უმცირესობათა მიმართებაში განიხილება. საუკუნეების მანძილზე საქართველოში კულტურით, ტრადიციებით, თუ მრწამსით განსხვავებული ადამიანების ღირსეულად თანაცხოვრების უნიკალური გამოცდილება,

მოგეხსენებათ, რომ მიმდინარე ოკუპაციის შედეგად აფხაზეთსა და ცხინვალის რეგიონში უმძიმეს პოლიტიკურ და უსაფრთხოების გამოწვევებთან ერთად, ბოლო ორი წლის განმავლობაში მნიშვნელოვნად გააქტიურდა რიგი უკანონო გადაწყვეტილებების მიღებისა და ე.წ. დოკუმენტების გაფორმების პროცესი, რაც მიზნად ისახავდა საქართველოს ორივე რეგიონის რუსეთის სამართლებრივ, პოლიტიკურ და სოციალურ-ეკონომიკურ სივრცეში ინტეგრაციის გაღრმავებას.  

საქართველოს ოკუპირებულ ტერიტორიებზე შექმნილი მდგომარეობის და მიმდინარე პროცესების მიუხედავად, რაც უკიდურესად ართულებს შერიგებისა და ჩართულობის სახელმწიფო პოლიტიკისა და სამშვიდობო ინიციატივების ეფექტიან განხორციელებას, ურყევად განვაგრძობთ ჩვენს დეპოლიტიზებულ, ადამიანზე ორიენტირებულ, შერიგებისა და ნდობის აღდგენისკენ მიმართულ ძალისხმევას.

აქვე მსურს ხაზგასმით აღვნიშნო, რომ საოკუპაციო რეჟიმის მიერ ხელოვნურად შექმნილი არაერთი დაბრკოლების მიუხედავად, იზრდება ოკუპირებულ ტერიტორიებზე მცხოვრები იმ ადამიანების რაოდენობა, ვინც გამოხატავს ინტერესს შერიგებისა და ჩართულობის პოლიტიკის ფარგლებში გახსნილი შესაძლებლობების მიმართ და სამშვიდობო ინიციატივებში ჩართვის სურვილს, რაც, ამ პოლიტიკის საბოლოო მიზნების მისაღწევად, უმთავრესი შედეგი გახლავთ.  

სწორედ ამ ხედვასა და პრიორიტეტებს ეფუძნება და ჩვენს გაცხადებულ მზაობას ადასტურებს სახელმწიფო მინისტრის აპარატის ინიციატივითა და კოორდინაციით მიმდინარე შერიგებისა და ჩართულობის პოლიტიკის სტრატეგიული გადახედვის პროცესი, რომლის დაწყების თაობაზე შარშან, ამ ფორმატის ფარგლებში მოგახსენეთ. სტრატეგიული გადახედვის პროცესი, ჩვენ მიერ წინასწარ განსაზღვრული, დროში გაწერილი ორგანიზაციული გეგმის შესაბამისად წარიმართა და მიმდინარე წლის იანვარში, ყველა სახელმწიფო უწყების ჩართულობით, შემუშავდა ახალი სტრატეგიისა და

განსაკუთრებით მინდა აღვნიშნო სამშვიდობო ინიციატივის „ნაბიჯი უკეთესი მომავლისკენ“ ფარგლებში, ორიოდე წლის წინ ამოქმედებული მშვიდობის ფონდის საქმიანობის მნიშვნელობა, რომელიც გამყოფი ხაზის ორივე მხარეს ბიზნეს-პროექტების დაფინანსებასა და ამგვარად, ომით დაშორებული საზოგადოების წევრებს შორის, ვაჭრობის წახალისებას ისახავს მიზნად.  

საქართველოს ოკუპირებულ ტერიტორიებზე მშობლიურ ენაზე განათლების მიღების შეზღუდვის, ასევე ხარისხიან განათლებაზე ხელმისაწვდომობის კუთხით არსებული დაბრკოლებების საპასუხოდ, პრიორიტეტად დავისახეთ ადგილობრივი მოსახლეობისთვის მაღალი სტანდარტის განათლების შესაძლებლობების განვითარება.

ჯანდაცვის კუთხით, გრძელდებოდა სახელმწიფო რეფერალური პროგრამის უწყვეტი და ეფექტიანი ფუნქციონირება, რომლითაც წელს, ამ დრომდე, 1352 ადამიანმა ისარგებლა როგორც აფხაზეთის, ისე ცხინვალის რეგიონიდან

ჩვენთვის განსაკუთრებული ზრუნვის საგანია გამყოფი ხაზების სიახლოვეს, კონფლიქტით დაზარალებულ სოფლებში მცხოვრები მოსახლეობა. მოგეხსენებათ, 2013 წლიდან, რეგიონული განვითარებისა და ინფრასტრუქტურის სამინისტროს ხელმძღვანელობით და სახელმწიფო მინისტრის აპარატის თანა-თავმჯდომარეობით.