„ჩვენ მზად ვართ აფხაზურ და ოსურ საზოგადოებებთან საერთო ინტერესებზე დაფუძნებული არაფორმალური დიალოგის პლატფორმის და თანამშრომლობის გაფართოებისთვის; დეპოლიტიზირებული მიდგომებით და მოსახლეობის საკეთილდღეოდ, სხვადასხვა ჰუმანიტარული და ადამიანის უფლებების საკითხების განხილვისთვის.  

შერიგებისა და ჩართულობის პოლიტიკის ფარგლებში უკვე გადავდგით არაერთი პროაქტიული, კონსტრუქციული და ქმედითი ნაბიჯი იმისთვის, რომ ოკუპირებულ ტერიტორიებზე მცხოვრებ მოსახლეობამდე მიგვეტანა კონკრეტული სარგებელი

კონფლიქტის სრულმასშტაბიანი მოგვარება ჩვენი უმთავრესი ამოცანაა. ამ მიზნით საქართველოს მთავრობა, სოლიდური საერთაშორისო მხარდაჭერით, განაგრძობს თავის მტკიცედ არჩეულ სტრატეგიულ ხაზს, რასაც ერთმნიშვნელოვნად მშვიდობიანი და თანმიმდევრული, მწყობრი, პრაგმატული და პრინციპული პოლიტიკის განხორციელება წარმოადგენს.  

მთავრობამ ამ გამოწვევას დაბალანსებული მიდგომით უპასუხა, რომელიც ერთი მხრივ მიმართული იყო ჩვენი მოქალაქეების ჯანმრთელობაზე ზრუნვისკენ, მეორე მხრივ კი - ეკონომიკურ კრიზისთან გამკლავებისკენ. ყველა დარგი, მათ შორის ჩვენი უწყება, დაუყოვნებლივ გადაერთო პანდემიის გამოწვევების საპასუხო აქტივობებზე, რაც ძირითადად მოსახლეობაზე ზრუნვისკენ იყო მიმართული ჩვენ შემთხვევაში როგორც ოკუპირებულ ტერიტორიებზე, ასევე გამყოფი ხაზის მიმდებარედ და ეთნიკური უმცირესობებით მჭიდროდ დასახლებულ რეგიონში.  

მოლაპარაკებების მეორე სამუშაო ჯგუფის ფარგლებში, რომელშიც სახელმწიფო მინისტრის აპარატის წარმომადგენელი მონაწილეობს, დღის წესრიგის სხვა საკითხებთან ერთად, ძირითადად განხილულ იქნა ოკუპირებულ ტერიტორიებზე მცხოვრები ადამიანების უფლებების უხეში დარღვევები, სიცოცხლის ხელყოფის ფაქტების ჩათვლით, ხელოვნური იზოლაციისკენ მიმართული უკანონო ნაბიჯები, რაც არ შეწყვეტილა პანდემიის ფონზეც ე.წ. „ბორდერიზაციის“, მოქალაქეთა უკანონო დაკავებების და თავისუფალი გადაადგილების შეზღუდვის სახით.  

ქართველთა და ებრაელთა მრავალსაუკუნოვანი მეგობრობა, ურთიერთპატივისცემაზე დამყარებული ურთიერთობები და ჰარმონიული თანაცხოვრება, ჩვენი ისტორიის და საზოგადოებრივი ცხოვრების განუყოფელი ნაწილია.

საქართველოს ხელისუფლების ხედვა ემყარება დემოკრატიული, თანასწორი და თანაბარუფლებიანი საზოგადოების მშენებლობის პრინციპებს, რომლის მთავარი ღირებულება არის ადამიანი და მისი უფლებები. სწორედ ამ ხედვას და პრინციპებს ეფუძნება და ცხოვრებაში მათ გატარებას ისახავს მიზნად როგორც სამოქალაქო თანასწორობისა და ინტეგრაციის, ასევე შერიგებისა და ჩართულობის პოლიტიკა, რომლებიც ორიენტირებულია ადამიანზე, მისი უფლებების პატივისცემასა და თანაბარი შესაძლებლობების შექმნაზე.  

სახელმწიფო მინისტრმა ისაუბრა პროექტის მნიშვნელობაზე, რომელიც მიზნად ისახავს ეთნიკური უმცირესობებით მჭიდროდ დასახლებულ რეგიონებში მოსახლეობის ინფორმირებას და ცნობიერების ამაღლებას კორონავირსუთან დაკავშირებულ საკითხებზე, რაც განსაკუთრებით აქტუალურია ქვეყანაში შექმნილი ეპიდემიოლოგიური სიტუაციისა და მოქმედი რეგულაციების ფონზე. თეა ახვლედიანმა ხაზი გაუსვა, რომ მოხალისეთა ჯგუფის გადამზადება მიმდინარეობს სახელმწიფო მინისტრის აპარატის მიერ ახლახან დაანონსებული რამდენიმე კომპონენტიანი კამპანიის ფარლგებში, რომელიც ასევე რამდენიმე ეტაპად ხორციელდება.  

თეა ახვლედიანის განცხადებით, სახელმწიფო მინისტრის აპარატის ინიციატივით წამოწყებული სოციალური კამპანია ასევე განხორციელდება ეთნიკური უმცირესობებით დასახლებულ სხვა რეგიონებშიც, რაც სამცხე-ჯავახეთისა და კახეთის მუნიციპალიტეტებში მცხოვრებ დედ-მამით ობოლ ბავშვებს კოვიდპანდემიის შედეგად შექმნილ მდგომარეობას გარკვეულწილად შეუმსუბუქებს.