სახელმწიფო მინისტრმა დეტალურად მიმოიხილა აფხაზეთსა და ცხინვალის რეგიონებში უსაფრთხოების, ჰუმანიტარული და ადამიანის უფლებათა კუთხით არსებული ვითარება, ისევე როგორც თავისუფალ გადაადგილებაზე დაწესებული შეზღუდვებით შექმნილი გამოწვევები, რაც პანდემიის დროს კიდევ უფრო დამძიმდა. განსაკუთრებული ყურადღება გამახვილდა საოკუპაციო ხაზის გასწვრივ, მათ შორის დიდ ხურვალეთში, ატოცსა და ზემო ნიქოზში, მავთულხლართებისა და სხვა ხელოვნური ბარიერების აღმართვის მიმდინარე უკანონო პროცესზე და საქართველოს მოქალაქეების უკანონო დაკავების ფაქტებზე

სახელმწიფო მინისტრმა ბრიტანელ დიპლომატს მადლობა გადაუხადა საქართველოს სამშვიდობო პოლიტიკის და საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის  

შეხვედრის მიზანს ევროპის საბჭოს გენერალური მდივნის 22-ე კონსოლიდირებული ანგარიშისთვის საქართველოს ოკუპირებულ ტერიტორიებზე არსებულ ვითარებასთან დაკავშირებით ინფორმაციის მიღება წარმოადგენდა.  

სახელმწიფო მინისტრმა გერმანელ დიპლომატს მადლობა გადაუხადა საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მიმართ მტკიცე პოზიციის, ასევე საქართველოს სამშვიდობო პოლიტიკისა და ომით გაყოფილი საზოგადოების შერიგებისა და ნდობის აღდგენისკენ მიმართული ძალისხმევის მხარდაჭერისთვის.  

სახელმწიფო მინისტრის მხრიდან განსაკუთრებული აქცენტი გაკეთდა, საოკუპაციო რეჟიმის უკანონო ქმედებებზე, ე.წ. ბორდერიზაციის, მოსახლეობის გატაცებების და დაკავებების ჩათვლით, რაც პანდემიის დროსაც არ შეწყვეტილა და დღემდე გრძელდება. ამ თვალსაზრისით, ხაზი გაესვა ხურვალეთში მიმდინარე ბორდერიზაციის პროცესს.  

სახელმწიფო მინისტრმა აღნიშნა გაეროს სააგენტოების, მათ შორის UNDP - ის მნიშვნელოვანი როლი საქართველოში კონფლიქტის მშვიდობიანი მოგვარების კუთხით და ლუიზა ვინტონს მადლობა გადაუხადა მხარდაჭერისა და ჩართულობისთვის, განსაკუთრებით პანდემიის პერიოდში გაწეული ძალისხმევისთვის  

„აფხაზეთის რეგიონში საოკუპაციო ხაზის გასწვრივ ყველა იმ სოფელს ვეწვიეთ, სადაც წლების განმავლობაში არსებობდა ე.წ. გადასასვლელები და სადაც დღემდე აღმართულია ფიზიკური ბარიერები, რაც ხელს უშლის, უკრძალავს მოსახლეობას თავისუფალი კომუნიკაციის და გადაადგილების საშუალებას

აფხაზეთისა და ცხინვალის რეგიონებიდან დევნილთა მხარდამჭერი რეზოლუცია კიდევ ერთხელ ადასტურებს ეთნიკური კუთვნილების მიუხედავად საკუთარ სახლებში უსაფრთხო და ღირსეული დაბრუნების განუყოფელ უფლებას, გმობს აღნიშნულ რეგიონებში ძალისმიერი გზით განხორციელებულ დემოგრაფიულ ცვლილებებს და ავალებს გაერო-ს გენერალურ მდივანს ყოველწლიური ანგარიშის მომზადებას საქართველოში მცხოვრები დევნილი მოსახლეობის მდგომარეობისა და რეზოლუციის შესრულების თაობაზე.

„საოკუპაციო ხაზზე არსებულ მძიმე ვითარებას დღეს გავეცანი სოფელ გუგუთიანტკარში, ხურვალეთსა და ოძისში, სადაც ასევე შეხვედრა გავმართე ადგილობრივ მოსახლეობასთან, რომლებთანაც ვიმსჯელეთ მათ წინაშე არსებული გამოწვევების მოგვარების გზებზე და საჭიროებებზე. ასევე ვესტუმრეთ უკანონოდ გატაცებული ჩვენი მოქალაქეების ზაზა გახელაძის და ხვიჩა მღებრიშვილის ოჯახებს, რომლებსაც პირადად გავაცანით საქართველოს ხელისუფლების მიერ გაწეული და მიმდინარე ძალისხმევა იმისათვის, რომ მოხდეს მათი დაუყოვნებელი და უპირობო გათავისუფლება.