თეა ახვლედიანმა ხაზი გაუსვა ჟენევის საერთაშორისო მოლაპარაკებების მნიშვნელობას და აღნიშნა ფორმატის დღის წესრიგით გათვალისწინებულ საკითხებზე პროგრესის მიღწევის აუცილებლობა.  

ლია გიგაურმა ისაუბრა სამოქალაქო თანასწორობისა და ინტეგრაციის 2021-2030 წწ. სახელმწიფო სტრატეგიის სამოქმედო გეგმის მოქმედი სტანდარტების შესაბამისად შემუშავების მნიშვნელობაზე და მისი განხორციელების პროცესში სამთავრობო კომისიის, მასთან არსებული სამუშაო ჯგუფის როლსა და პასუხისმგებლობებზე. მან დეტალურად მიმოიხილა სტრატეგიის პროექტში გაწერილი მონიტორინგის მექანიზმები, ხაზი გაუსვა სამოქალაქო თანასწორობისა და ინტეგრაციის პოლიტიკის მიღწევებსა და არსებულ გამოწვევებს, რომელთა გადაჭრაც გათვალისწინებულია სამოქმედო გეგმით.  

ოჯახების სურვილის გათვალისწინებით, ნეშტების დაკრძალვა სხვადასხვა ლოკაციაზე, მათ შორის, საგვარეულო სასაფლაოებზე მოხდა, ხოლო იდენტიფიცირებულთაგან 4 ნეშტი სამხედრო პატივით დიღმის ძმათა სასაფლაოზე დაკრძალეს.  

ნეშტების ამოცნობა წითელი ჯვრის საერთაშორისო კომიტეტის ანთროპოლოგიური კვლევის შედეგად მოხერხდა. 1990-იანი წლების შეიარაღებული მოქმედებებისა და 2008 წლის აგვისტოს ომში უგზო-უკვლოდ დაკარგულთა მოძიების მექანიზმების ფარგლებში პირველი იდენტიფიცირება და გადმოსვენება 2013 წელს განხორციელდა. ამ დრომდე მექანიზმების ფარგლებში ნაპოვნია 583 ადამიანის ნეშტი, მათგან იდენტიფიცირებულია 206.

უწყებათაშორისი კომისიის სხდომა სახელმწიფო მინისტრმა გახსნა და კომისიის წევრებს სიტყვით მიმართა. მან მიმოიხილა 2018 წელს დამტკიცებული სამშვიდობო ინიციატივის „ნაბიჯი უკეთესი მომავლისკენ“ განხორციელების მიმდინარეობა და მისი ინსტრუმენტების ფუნქციონირება, რომლებიც მიზნად ისახავს ოკუპირებულ რეგიონებში მცხოვრები მოსახლეობის სოციო-ეკონომიკური მდგომარეობის გაუმჯობესებისა და დაშორიშორებულ საზოგადოებებს შორის დიალოგისა და თანამშრომლობის ხელშეწყობას.  

სახელმწიფო მინისტრის აპარატმა ახალგაზრდებს სამოქალაქო თანასწორობისა და ინტეგრაციის 2021-2030 წწ. სტრატეგიის პროექტი წარუდგინა.  

თეა ახვლედიანი კონკურსის მონაწილეებს ონლაინ რეჟიმში შეხვდა, ქართული ენის დღე მიულოცა და მონაწილეობისათვის მადლობა გადაუხადა. სახელმწიფო მინისტრმა ისაუბრა დღევანდელი დღის მნიშვნელობასა და ისტორიულ დატვირთვაზე, მრავალსაუკუნოვანი ისტორიის მქონე ქართული ენის უნიკალურობაზე, ქართული დამწერლობის სამი სახეობის ცოცხალ კულტურასა და სახელმწიფო ენის დაცვის მნიშვნელობაზე.

„ძვირფასო თანამოქალაქეებო, გილოცავთ ამ ღირშესანიშნავ თარიღს - ქართული ენის დღეს! მრავალსაუკუნოვანი ისტორიის მქონე ქართული ენა ჩვენი უდიდესი სიმდიდრე და სახელმწიფოებრიობის ფუნდამენტია. ქართულმა ენამ განვითარების სხვადასხვა ეტაპზე არაერთ სირთულეს გაუძლო, მის არსებობას საფრთხეც კი დაემუქრა, თუმცა სრულიად საზოგადოების დიდი ძალისხმევის, ერთობისა და კონსოლიდაციის შედეგად ქართული ენა შენარჩუნდა, კიდევ უფრო განვითარდა და გაძლიერდა.  

„გილოცავთ ჩარშამა სარსალეს - ახალი წლის, გაზაფხულის შემოსვლის მომასწავებელ ამ უშვენიერეს დღეს, რომელიც იეზიდთა უმთავრესი და უძველესი დღესასწაულია! ვუერთდებით განახლების ამ ულამაზეს ზეიმს, რომელიც სათავეს შუამდინარეთის კულტებიდან იღებს, და ჩვენს ყველა იეზიდ თანამოქალაქეს ვუსურვებ ჯანმრთელობას, კეთილდღეობას და ბედნიერ მომავალს “, - განაცხადა თეა ახვლედიანმა.